Tres clase de Zamboangueña no quiere kame aqui na L.A.
     Antes el mga Zamboangueño aqui na America ta man hambug si cosa coche sila
ta maneja cay amo quel el status symbol para dale mira na otro hasta donde ya sila
ya asensa na vida na America.
     Aquellos ya bene aqui del mga 1960s y early 1970s (mga oldtimers) amo el mga "humble" y si anda ustedes na mga party aqui na L.A. el mga oldtimers amo el mga calliao lang.
     Aqui na de amun comunidad de Zamboanga na Los Angeles, tiene kame tres clase
de este grupo:
      (1) NUEVO YA LLEGA AQUI NA AMERICA (BAGONG SALTA SA BAPOR):  No mas ustedes estrania si atende ustedes party aqui y tiene uno o dos
Zamboangueñas
bien alboroto gayot si man cuento daw aquel ta grita ya----para saca atencion del
mga otro gente na party. Sila aquel ta llama kame "bagong salta sa bapor"
(meaning "new arrivals") aqui na L.A.
      Uno de estos amo gane quel  bigaun ya casa na un lolo para puede lang bene
aqui. Na Zamboanga pa este bien alboroto y bien bigaun ya. Ya queda lang este
mas malo desde ya llega aqui na America.
      Estos el mga clase ya lleva de ila paka-chismosa, paka-bigaun y paka-balolang
aqui
na L.A. Maka-huya lang canila! Si tiene party tampa "life of the party" estos.  Na
Chabacano pa ta llama kita kanila "mga palta atencion."

    (2) AQUELLOS YA CASA NA CANO: Este grupo el bien maka-peste cay ta pensa
sila mas alto el statura de ila canatun todo cay kano el de ila mga marido---maski
malakara paka-kano. No sabe lang sila cay bien bajo kame ta mira canila cay no
quiere sila casa con aquellos igual canila. m
    Sobra sila man "idolize" con el mga marido de ila. Mucho de estos ta queda
como muchacha de ila marido

TO BE CONTINUED.......COSA CAHA EL IKA-TRES?

Na America ya---ta remedia lang siempre como na Manila
     Tiene kame un amiga taqui ara ta bisita con su tata'y nana aqui na L.A. Despues
de tres semana, ya puede el man get in touch con suyu tres amigas----man besinos este sila alla na Zamboanga---desde grade school pa.
      Ya espanta gane este suyu mga amiga cay cuando ya puede sila man llama-
han el una question este ya pregunta si "cuanto daw sila ta ase per hour."
      Acabar daw el cuento pirme de tristesa---pero ta cay lang siempre na SEN.
ta pidi daw gane este sen y ta pregunta dayun si cuanto ele puede PRESTA!
     Sabe man kita cay ese prestada nohay mas pagada tamen. Canatun ese na
Zamboanga ta llama kita: REMEJARUL! Cuando ya habla el otro amiga cay
$200 lang ele puede dale ya habla pa daw: "Ese lang?"
     Pensaba siguro este de atun amiga---ta pipina lang kita sen na mga pono aqui.
No sabe sila cay aqui necesita tu aprende trabaja cay nohay na bocabulario de ila
el palabra 'REMEJARUL."